Það er óhætt að segja að það hafi verið kátt í höllinni þegar tæplega 600 iðkendur úr 6.flokki stráka og stelpna úr fjölda liða víðsvegar að af landinu mættu á jólamót Fram og KIA í Egilshöll, laugardaginn 23.nóvember.
Mótið heppnaðist frábærlega og var virkilega gaman að sjá fullt af geggjuðum fótboltaleikjum og glæsilegum tilþrifum frá öllum þessum flottu krökkum, sem voru sjálfum sér og sínum félögum sannarlega til mikils sóma.
Iðkendur úr 3.flokki sáu um dómgæsluna, sjoppan góða og samlokugrillið var á sínum stað og allir þáttakendur voru svo leystir út með húfu frá KIA og gjafabréfi frá Olifa – la madre pizza.
Við viljum þakka KIA og Olifa – la madre pizza fyrir að hjálpa okkur við að halda mótið, félögum sem tóku þátt og þjálfurum þeirra, foreldrum og að sjálfsögðu iðkendum. Þetta var frábært og við getum varla beðið eftir næsta jólamóti.
Myndir frá mótinu má nálgast hér: https://framphotos.pixieset.com/2024-jolamotframogkia/
📷 @toggipop