Kjartan Þór Júlíusson hefur skrifað undir nýjan tveggja ára samning hjá Fram. Kjartan Þór, sem er 21 árs, spilar sem hægri skytta. Hann er uppalinn hjá Fram og á að baki farsælan feril hjá yngri flokkum félagsins og á undanförnum árum hjá meistaraflokki. Þá hefur hann átt sæti í landsliðshópum yngri flokka og spilað þar stórt hlutverk. Hann þykir í dag einn af efnilegri skyttum landsins og því mikill fengur fyrir Fram að hafa hann áfram hjá félaginu.
