htsksi3

KSÍ heiðraði Hannes og Sigmund

htsksiFramararnir Hannes Þ. Sigurðsson og Sigmundur Ó. Steinarsson voru meðal þeirra sem heiðraðir á nýafstöðnu ársþingi Knattspyrnusambands Íslands.  Hannes var heiðraður fyrir ötult starf sitt innan knattspyrnuhreyfingarinnar og Sigmundur fjölmiðlaviðurkenningu KSÍ.

Af vef KSÍ:

Á ársþingi KSÍ síðastliðinn laugardag var Hannes Þ. Sigurðsson sérstaklega heiðraður fyrir sín störf innan knattspyrnuhreyfingarinnar.  Hannes hefur komið víða við í hreyfingunni sem hefur fengið að njóta krafta hans á mörgum sviðum.
Hannes hefur verið skoðunarmaður reikninga hjá Knattspyrnusambandinu í 60 ár en hefur nú hætt sem slíkur.  Hannes var einn fremsti dómari landsins um árabil og hefur einnig síðan starfað sem eftirlitsmaður dómara í fjölda ára.
Það var Ellert B. Schram, fyrrum formaður KSÍ og ÍSÍ, sem afhenti Hannesi viðurkenningarvott frá Knattspyrnusambandinu en Hannes var sæmdur æðsta heiðursmerki KSÍ, heiðurskrossnum, árið 2007.

sosksi

Fjölmiðlaviðurkenningu KSÍ fyrir árið 2012 hlýtur Sigmundur Ó. Steinarsson.  Sigmundur er knattspyrnuáhugafólki vel kunnur, enda hefur hann fjallað um knattspyrnu í áratugi, lengst af sem blaðamaður á Morgunblaðinu og yfirmaður íþróttadeildar þar.
KSÍ fékk Sigmund til að rita sögu Íslandsmótsins í knattspyrnu og gefa það út við upphaf og lok 100. Íslandsmótsins, sem fram fór á liðnu ári. Sagan er sögð í tveimur bindum.  Fyrra bindið inniheldur söguna frá 1912 til 1965 og hið síðara fjallar um árin 1966 til og með mótinu 2011.
Sigmundur vann þarna ómetanlegt starf við varðveislu íslenskrar knattspyrnusögu.  Brennandi áhugi hans á viðfangsefninu, reynsla og þekking, skila sér vel í báðum bindum.

Share this post

Share on facebook
Share on twitter
Share on linkedin
Share on pinterest
Share on email