FRAM heimsækir ÍR í 1.deild kvenna í knattspyrnu í kvöld, en flautað verður til leiks á Hertzvellinum í Mjóddinni klukkan 20. Liðin unnu bæði leiki sína í síðustu umferð; FRAM gegn BÍ/Bolungarvík fyrir vestan og ÍR gegn Víkingi í Ólafsvík, en þetta var fyrsti sigurleikur ÍR-inga í sumar.
FRAM situr fyrir leikinn í kvöld í fjórða sæti A-riðils 1.deildar kvenna með 16 stig eftir tíu leiki, einu minna en Álftanes sem situr í þriðja sæti. ÍA situr í efsta sætinu með 25 stig og Fylkir hefur 22 stig í öðru sæti, en Fylkir á tvo leiki til góða á liðin í kringum sig. ÍR situr í sjöunda sæti með 6 stig eftir níu leiki.
FRAM og ÍR mættust í þriðju umferð 1.deildarinnar í sumar og þá fögnuðu FRAMstúlkur sannfærandi sigri, 4-1. Þetta var fyrsti sigurleikur FRAM á leiktíðinni, en liðið tapaði fyrir BÍ/Bolungarvík og Haukum í tveimur fyrstu umferðunum.
FRAM hefur til þessa unnið ÍR, Víking Ólafsvík, ÍA, Hauka og BÍ/Bolungarvík, gert jafntefli við Tindastól og tapað fyrir BÍ/Bolungarvík, Haukum, Álftanesi og Fylki.
ÍR hefur unnið einn leik, gegn Víkingi í Ólafsvík í síðustu umferð, gert jafntefli við Víking Ólafsvík, BÍ/Bolungarvík og Álftanes, en tapað fyrir FRAM, ÍA, Fylki, Haukum og Tindastóli.
FRAM og ÍR mættust tvisvar í 1.deildinni á þarsíðustu leiktíð og skildu jöfn í báðum leikjum; 1-1 á FRAMvelli og 0-0 á ÍR-velli.
| FÉLAG | L | U | J | T | MÖRK | NET | STIG | |
|---|---|---|---|---|---|---|---|---|
| 1 | ÍA | 10 | 8 | 1 | 1 | 32 – 8 | 24 | 25 |
| 2 | Fylkir | 8 | 7 | 1 | 0 | 27 – 4 | 23 | 22 |
| 3 | Álftanes | 10 | 5 | 2 | 3 | 13 – 13 | 0 | 17 |
| 4 | Fram | 10 | 5 | 1 | 4 | 16 – 15 | 1 | 16 |
| 5 | Haukar | 10 | 4 | 1 | 5 | 14 – 14 | 0 | 13 |
| 6 | Tindastóll | 9 | 2 | 3 | 4 | 15 – 15 | 0 | 9 |
| 7 | ÍR | 9 | 1 | 3 | 5 | 9 – 26 | -17 | 6 |
| 8 | Víkingur Ó. | 8 | 1 | 2 | 5 | 6 – 20 | -14 | 5 |
| 9 | BÍ/Bolungarvík | 10 | 1 | 2 | 7 | 8 – 25 | -17 | 5 |