Hafstein og Bjarni

Hafsteinn Briem til liðs við Fram

IMG_0835Miðjumaðurinn Hafsteinn Briem gekk í dag frá 3 ára samningi við úrvalsdeildarlið Fram. Hann á að baki sjö leiki með U17 landsliði Íslands og fjóra leiki með U19. Hafsteinn, sem er fæddur árið 1991, er uppalinn hjá HK en lék með Val í úrvalsdeild árið 2012 og með Haukum í 1. deild á síðustu leiktíð. Hafsteinn var einn efnilegasti miðjumaður landsins fyrir tveimur árum en var óheppinn með meiðsli sumarið 2012. Hann lék hins vegar 14 leiki með Haukum sl. sumar og skoraði í þeim 5 mörk en Haukar voru sem kunnugt er hársbreidd frá því að komast upp í úrvalsdeild.

Bjarni Guðjónsson þjálfari Fram segist mjög ánægður með að hafa náð í Hafstein sem er fyrsti leikmaðurinn sem Bjarni fær til liðs við Fram síðan hann tók við. „Ég sá Hafstein fyrst með HK sumarið 2011 og hreifst strax af honum. Þetta er öflugur strákur með fullt af hæfileikum. Hann getur leyst tvær stöður á vellinum, bæði spilað sem djúpur miðjumaður og haffsent. Ég býst við miklu af honum.“

Fram fagnar komu Hafsteins í Safamýrina og bindur miklar vonir við hann í framtíðinni.

Share this post

Share on facebook
Share on twitter
Share on linkedin
Share on pinterest
Share on email