Siggi og línumaður gegn ÍR vefur

FRAM – Akureyri í dag kl. 18:00, fundur með stuðningsmönnum kl. 17:30

Siggi og línumaður gegn ÍRÞað verður stórleikur í FRAMhúsinu á fimmtudag þegar strákarnir okkar mæta  Akureyri í fyrsta leik 2 umferðar Olísdeildar karla.  Við riðum ekki feitum hesti frá leiknum sem leikinn var fyrir norðan en hann tapaðist nokkuð örugglega 25-18.  Við eigum því harma að hefna og ljóst að við þurfum að spila okkar besta leik til að eiga möguleika gegn sterkum norðan mönnum.

Leikurinn hefst kl. 18:00  á fimmtudag, hitað verður upp fyrir  leikinn. 

Magnús Stefánsson verður með stuðningsmannafund kl. 17:30 þar sem hann fer yfir leikinn í máli og myndum ásamt því að fara yfir tölfræði síðasta leiks ofl. skemmtilegt.
Seldar verða Pizzur fyrir leikinn og í hálfleik, því er um að gera að mæta snemma, borða vel, hlusta svo á fyrirlestur Magnúsar og fylgjast með hörku handboltaleik.

Láttu endilega sjá þig,  því þessi leikur er mjög mikilvægur fyrir okkur FRAMara og því mikilvægt að fylla húsið og styðja strákana okkar. 
Fram-Akureyri - Olis 2 - 260913

 

 

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email