FRAM – ÍBV á þriðjud. kl. 19:30

Meistaraflokkur kvenna leikur á þriðjud. þriðja leik sinn eftir áramót í OLÍS deildinni.  Mótherjarnir að þessu sinni eru eyjastúlkur í liði ÍBV.
Liðin eru sem stendur jöfn í 3 – 4 sæti deildarinnar með 18 stig.  Tveimur stigum á eftir Val sem er í 2 sæti deildarinnar.  ÍBV gerði sér lítið fyrir í síðasta leik og sigraði Val með einu marki 23 – 22.  FRAM vann hins vegar öruggan sigur á liði FH í sínum síðasta leik 31 – 16.
Liðin mættust síðast þann 28. september s.l. í annarri umferð OLÍS deildarinnar.  Þar hafði ÍBV betur og sigraði 25 – 20 í leik sem var þó jafn lengst af.  Í þeim leik fóru þær Vera Lopes og Ester Óskarsdóttir mikinn í liði ÍBV og ljóst að FRAM þarf að hafa góðar gætur á þeim á morgun.
FRAM og ÍBV hafa mæst nokkuð oft á undanförnum árum, í deildinni og síðan í úrslitakeppninni. Síðustu tvö tímabil mættust liðinn alls 12 sinnum og að meðtöldum leiknum í deildinni í haust eru leikirnir orðnir 13.  FRAM hefur sigrað í 11 af þessum leikjum en ÍBV í tveimur, samanber hér að neðan:

FRAM hefur skorað alls 336 mörk í þeim eða 25,85 mörk að meðaltali í leik.  ÍBV hefur skorað 273 mörk í þessum leikjum eða 21,00 mörk að meðaltali í leik.

FRAM þarf á þínum stuðningi að halda í leiknum á þriðjud. kl. 19:30,  þannig að þú mætir !

gþj