Meistaraflokkur kvenna í handbolta lék í gær leik í 8 liða úrslitum bikarkeppni HSÍ. Mótherjinn var Grótta og fór leikurinn fram á Seltjarnarnesinu.
Það er skemmst frá því að segja að FRAM lenti strax undir 6 – 2 eftir um 10 mínútna leik og það var í raun meiri munur en FRAM réð við í gær. Lengst af leiknum hafði Grótta þetta 5 – 7 marka forystu. Það var aðeins um miðjan seinni hálfleikin sem FRAM náði að minnka muninn í 3 mörk en komst ekki nær Gróttu að þessu sinni. Leiknum lauk með sigri Gróttu 23 – 19.
Þetta var ekki góður leikur af hálfu FRAM, vörnin slök, lítil markvarsla og sóknin ekki góð og skotnýting leikmanna léleg. Það áttu allir slakan dag í gær.
Þess skal þó getið að Hildur markmaður kom í markið undir lokin og átti ágætis leik varði ein 5 skot á síðustu 12 mínútunum.
Hjá Gróttu átti Íris Björk hins vegar stórleik og varði hátt í 30 skot, mörg úr dauðafærum og það er erfitt að vinna leiki á móti slíkri markvörslu.
Það verður því ekkert bikaræfintýri meistraflokks kvenna í vetur.
Það er ljóst að stelpurnar geta svo mikið mikið mikið betur en þær sýndu í gær og vonandi ná þær að laða fram leikgleðina í næsta leik, sem er erfiður útileikur á laugardaginn á móti Fylki.
gþj.