Stelpurnar okkar í mfl. kvenna tóku í dag á móti ÍBV í Olís-deildinni í handbolta en leikið var í Safamýrinni. Leikurinn í dag var skemmtilegur en mikið af misstökum sérstaklega í fyrri hálfleik. Alltof mikið af mistökum í þessum leik eitthvað sem við getum auðveldlega lagað.
Við byrjuðum illa í dag og voru meira eða minna undir allan fyrri hálfleikinn. Náðum góðum kafla um miðjan hálfleikinn og náðum þá forrustu 7-5 en það hélt ekki lengi. Sóknarleikurinn var ekki nógu agaður og ungu stelpurnar okkar ekki að eiga góðan dag. Staðan í hálfleik var 11-13.
Síðari hálfleikur var hinsvegar eign FRAM, stelpurnar byrjuðu síðari hálfleikinn af krafti og náðu strax algjörum tökum á andstæðingunum í vörninn ásamt því að Nadía hrökk í gang og þá var ekki að sökum að spyrja. Liðið náði fljótlega forrustu sem við létum aldrei af hendi og ÍBV átti aldrei möguleika í síðari hálfleiknum. Forrustan var mest 6 mörk og ÍBV náði aðeins að skora 6 mörk á fyrstu 25 mín síðari hálfleiks. Lokatölur í dag 27 -23, flottur sigur í Safamýrinni.
Sigurbjörg setti 8 mörk í dag, Ragnheiður 6 og Nadía átti góða síðar hálfleik varði 10 sinnum í þeim hálfleik og samtals um 14 í leiknum öllum.
Flottur síðari hálfleikur gerði gæfu muninn og sigurinn frekar öruggur eftir allt.
ÁFRAM FRAM