Strákarnir í mfl. karla léku í kvöld síðasta leiks sinn í Lengjubikarnum þetta árið, leikið var í þéttum vindi og smá kulda í Úlfarsárdal. Það er stutt í sumarið og okkar menn glaðir að komast út undir bert loft, það er virkilega hressandi að leika í dalnum við svo aðstæður.
Leikurinn í kvöld var fjörugur eins og veðrið, leikmenn byrjuðu strax af krafti og við fengum tvo góð færi á fyrstu 15 mín. leiksins. Þar var að verki Eyþór Helgi í bæði skiptin, bæði liðin að reyna fyrir sér við erfiðar aðstæður. Boltinn skall t.d í slá Gróttu marksins þegar varnarmenn Gróttu voru að reyna að hreinsa. Það fór samt þannig að Grótta náði að setja á okkur mark á 20 mín. og var það kannski gegn gangi leiksins en hver spyr að því. Staðan í hálfleik 0-1. Það lægði aðeins þegar líða tók á kvöldið og veðrið varð skárra í síðari hálfleik. Við lékum undan vindi og það hjálpaði okkur, við settum á þá tvö mörk á 59 og 73 mín, staðan orðin 2-1. Það var Rúrik Þorfinnsson sem setti bæði mörkin og gerði það vel. Við vorum miklu betri í síðari hálfleiknum og fengu þó nokkuð af færum sem við hefðum átt að nýta betur en allt kom fyrir ekki, lokatölur í kvöld 2-1. Okkar fyrsti sigur í mótinu og ég held að það sé að komast mynd á liðið fyrir sumarið. Við vorum miklu betri en Grótta í kvöld en aðstæður voru þannig að það er erfitt að meta liðið. Grótta missti mann af velli á 81 mín. þegar Hafþór Mar fór frjálslega í tæklingu og í framhaldi af því fauk einn Gróttu strákur af velli, einhver hundur í drengnum. Góður sigur í kvöld og eitthvað sem við þurfum að byggja á. Vel gert FRAMarar.
ÁFRAM FRAM