Stelpurnar okkar í handboltanum mættu í kvöld Stjörnunni í Olísdeild kvenna, leikið var í Mýrinni. Óþolandi nafn á þessu húsi, Mýrin er auðvitað í Safamýrinni en þeir voru sniðugir í Garðabæ að eigna sér “okkar” nafn á þetta hús. Það var vel mætt af okkar fólki eins og venjulega en þeir fengu lítið fyrir aurinn í kvöld. Leikurinn byrjaði ljómandi vel, krafur í okkar konum og útlitð bara gott, við yfir eftir 10 mín. 4-6. Liðið að spila ágætlega, bæði í vörn og sókn. Leikurinn jafnaðist á næstu mín, við gáfum eftir og misstum forrustuna, nýttum færin illa og staðan eftir 20 mín. 9-9. Leikurinn var svo jafn það sem eftir lifði hálfleiks, við hefðum átt að gera betur, staðan í hálfleik 12-13, ágætur hálfleikur hjá okkar stúlkum. Vörnin hefði þurft að gera betur í þessum hálfleik, en allt í járnum og skemmtilegur leikur.
Við byrjuðum síðari hálfleikinn vel, náðum að bæta við okkar forrustu en svo flaug hún út um gluggan á augnabliki. Staðan eftir 40 mín. 18-16. Varnarleikur okkar ekki að ganga upp. Við misstum aðeins tökin á þessum leik, vorum samt inni í leiknum og aldei lagt á milli liðanna. Staðan eftir 50 mín. 25-22. Það má segja að við höfum alveg misst hausinn það sem eftir lifði leiks, við náum að setja eitt mark á næstu 10 mín. og sáum hreinlega aldrei til sólar. Við töpuðum leiknum frekar illa, lokatölur 29-23. Það bara algjörlega dó á okkar leikmönnum og við áttum því miður engin svör. Slæmt tap en það þýðir ekkert að hengja haus, leikmenn þurfa aðeins að skoða sinn leik og mæta svo tvíelfdar í þann næsta. Upp með hausinn stelpur þið eruð flottar í handbolta, þurfum bara að sýna okkar besta. Næsti leikur er á heimavelli á sunnudag gegn FH. Sjáumst í Safamýrinni á sunnudag kl. 17:00.
ÁFRAM FRAM