+Ahorfendur í laugardal 2013 vefur

Fram leikur á Laugardalsvelli í sumar

Mfl. gengur innMeistaraflokkur FRAM í knattspyrnu karla mun leika  heimaleiki  liðsins í 1.deild  á Laugardalsvelli á komandi leiktíð.
Vegna framkvæmda á svæði Fram í Úlfarsárdal  og annara þátta stenst keppnisleikvangur félagsins ekki leyfiskröfur KSÍ og   fyrirsjánlegt er að ekki er hægt að uppfylla þær kröfur á meðan á framkvæmdum stendur.

Hefur KSÍ því hafnað beiðni Knattspyrnufélagsins FRAM um að leika meistarflokksleiki í 1.deild karla í Úlfársárdal á komandi keppnistímabili.

Á meðan framkvæmdum stendur mun Fram því leika á Laugardalsvelli. Einstaka leikir meistaraflokks karla munu fara fram í  Úlfarsárdal eins og leikir í Lengjubikar og  fyrstu leikir í bikarkeppni  KSÍ en þeir leikir falla ekki undir jafn strangar reglur í leyfiskerfi KSÍ.

FRAM mun eftir sem áður sinna því mikla og góða starfi sem rekið er í Úlfarsárdalnum af fullum krafti og nýta þá aðstöðu sem þar er þegar  til staðar.

Rétt er að taka það sérstaklega fram að félagið mun spila alla heimaleiki félagsins Úlfarsárdal þegar framkvæmdir við svæði félagsins eru komnar á það stig að félagið geti uppfyllt þær kröfur sem gerðar eru til þess m.a. í leyfiskerfi KSÍ.

 

Aðalstjórn Knattspyrnufélagsins FRAM

Share this post

Share on facebook
Share on twitter
Share on linkedin
Share on pinterest
Share on email