Bikarúrslit Coka Cola bikarinn 2017
Yngri flokkar FRAM
Laugardalshöll sunnudag 26. febrúar
Það verður sannkölluð hátið hjá okkur í FRAM á sunnudag, því þá leikum við þrjá úrslitaleiki í bikarkeppni HSÍ, Coka Cola bikarnum. Leikirnir fara fram í Laugardalshöll en þar verður umgjörðin glæsileg og engu til sparað.
Það er alltaf draumur hvers leikmanns að komast í höllina og leika bikarúrslitaleik og þessir leikir eru þeir leikir sem allir yngri leikmenn vilja prufa að leika áður en þeir fara á stórasviðið með meistaraflokkunum.
Við FRAMarar eigum eins og áður sagði 3 leiki í Höllinni sunnudaginn 26. febrúar. Leikið verður sem hér segir:
Kl. 14:00 Úrslitaleikur í 3. fl.kvenna FRAM – HK í Laugardalshöll
Kl. 16:00 Úrslitaleikur í 2. fl.karla FRAM – Valur í Laugardalshöll
Kl. 18:00 Úrslitaleikur í 4. fl.kvenna Eldri. FRAM – Fylkir í Laugardalshöll
Hvetjum alla FRAMarar til að mæta í Höllina á sunnudag og hvetja krakkana okkar og styðja við bakið þessum glæsilegu fulltrúum sem við eigum í úrslitaleikjum Coka Cola bikarsins.
Það verður flott umgjörð í Höllinni, leggjumst öll á eitt þannig að dagurinn verði sem glæsilegastur fyrir okkur FRAMara.
Þeir sem ekki komast í Höllina er bent á RÚV og RÚV2 en þeir munu sýna beint frá öllum leikjunum í Höllinni þennan dag.
ÞETTA VERÐA ALLIR AÐ SJÁ !
MÆTUM OG HVETJUM UNGA FÓLKIÐ OKKAR „TIL SIGURS“ ! ÁFRAM FRAM
Unglingaráð Handknattleiksdeildar FRAM