mfl

Sorg og sút í Mýrinni í dag

Það var úrslitaleikur númer eitt,  þegar við mættum Stjörnunni í dag í 3 leik liðanna í úrslitum Olísdeildar kvenna. Fyrir leikinn vorum við í lykilstöðu 2-0 eftir tvo leiki, við áttum sem sé möguleika á því að lyfta bikarnum í Mýrinni í dag.  Það var gríðarlega vel mætt af okkar hálfum og ég fullyrði að við FRAMarar vorum í meirihluta í húsinu, algjörlega frábært að sjá alla þessa FRAMara á svæðinu. Magnað hvað við FRAMarar eigum mikið af sauðtryggu fólki sem er endalaust til í mæta og styðja okkar stelpur.
FRÁBÆRT Framarar, þið eruð dásamlegir.

Leikurinn í dag var hinsvegar svona og svona, stundum hafði ég meira gaman af því að horfa á  minn fallega hóp á áhorfendabekkjunum en liðið inni á vellinum, það gerist ekki oft.  Við mættu ekki til leiks í dag og ég verð hugsi þegar við sýnum þessar leiðindar hliðar, hvað er í gangi stelpur ?
Það var heinlega ekkert að frétta í fyrri hálfleik, við lengi vel ekki að spila vörn , markvarslan eftir því og sóknarleikurinn algjörlega kraftlaus. Stjarnan hreinlega pakkaði okkur sama og okkur var alveg sama ?
Ég ræddi við þjálfarateymi okkar fyrir helgi og ég veit að þetta var ekki uppleggið í dag.  Staðan í hálfleik 13-6.
Magnað hvað leikmenn geta mætt algjörlega hauslausir til leiks vitandi það að þeir eru að mæta Stjörnunni sem þær mættu t.d í bikarúrslitum og þá var okkur pakkað svona saman í fyrri hálfleik.  Þetta kom ekki á óvart var það ?
Síðari hálfleikur var svo sem ekki mikið betri og ég nenni ekki að fara mikið yfir málin, við fengum mörg tækifæri til að komast inn í þenna leik, en því miður lá það bara ekki fyrir okkar í dag.  Margir leikmenn langt frá sínu besta sem er ekki ásættanlegt í úrslitum.  En hvað um það, við sýndum á köflum góða takta og þegar vörnin small og við börðum aðeins frá okkur átti Stjarnan ekki möguleika, þessir kaflar voru því miður mjög stuttir og fáir í dag.  Lokatölur 23-19.

Stelpur þið getið það sem þið viljið en við þurfum að spila mun betur en í dag, ég lofa fullu húsi á miðvikudag í FRAMhúsi, því allir sem ég þekki og jafnvel mun fleiri ætla að mæta og sjá ykkur spila upp á líf og dauða í heimavelli. Það verður síðasti heimaleikurinn þennan veturinn og eins gott að nýta hann, ég bara nenni ekki að hlusta á þennan gaur í Mýrinni hann er ekki minn tebolli.   Ég veit hvað þið getið og ég ætlast til að sjá ykkur algjörlega brjálaðar á miðvikudag, hvet alla FRAMarar til að mæta og stútfylla FRAMhúsið í síðasta sinn þennan veturinn.  FRAMarar nú mæta allir og gott betur en það. Ég lofa stuði og stemmingu.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email