Síðast liðinn laugardag hélt meistaraflokkur kvenna í Gravarvoginn til að spila við Fjölni. Fjölnisliðið hefur verið að bæta sinn leik eftir því sem liðið hefur á veturinn og vann t.d. Selfoss stórt í síðustu umferð. Það var því hægt að reikna með erfiðum leik.
Það varð líka raunin í byrjun leiks. Það gekk erfiðlega að ná einhverri forustu í leiknum. Fram komst yfir 4 – 7 en Fjölnir jafnaði 7 – 7. Þegar líða tók á fyrri hálfleikinn náði Fram þó aðeins að slíta sig frá Fjölnisliðinu og staðan í hálfleik 11 – 15.
Síðari hálfleikur varð síðan í raun einstefna. Fram var komið 8 mörk yfir eftir 10 mínútur í seinni hálfleik og munurinn hélst síðan bara áfram að aukast. Fram sigraði seinni hálfleikinn 7 – 19.
Lokatölur því 18 – 34 fyrir Fram. Flottur sigur.
Þægilegur og öruggur sigur eftir smá basl í fyrri hálfleik. Sóknin gekk vel og vörnin var að standa ágætlega þannig að Fram fékk fjöldan allan af hraðaupphlaupum í leiknum. Skoraði líklega allavega 16 mörk eftir hraðaupphlaup og hraða miðju.
Guðrún Ósk var í markinu og varði 21 skot eða vel yfir 50% markvarsla.
Mörk Fram skoruðu: Hildur 9, Elísabet 7, Þórey Rósa 4, Ragnheiður 4, Harpa María 3, Guðrún Þóra 2, Marthe 2, Sigurbjörg 2 og Arna Þyri 1.
Næsti leikur er strax á morgun þriðjudaginn 12. desember þegar Fram tekur á móti Selfossi í Safamýrinni.
ÁFRAM FRAM