Uppskeruhátíð-2019-7-1024x573 vefue

Uppskeruhátíð yngri flokka laugardaginn 14. september

Unglingaráð Knattspyrnudeildar Fram heldur hina árlegu uppskeruhátíð sína laugardaginn 14. september í veislusal Fram í Safamýri.

Í ár verður uppskeruhátíðin tvískipt:

  • kl. 12:00 uppskeruhátið 3. 4. og 5. flokks (2003-2008).
  • kl. 12:45 uppskeruhátíð 6. 7. og 8. flokks (2009 og yngri).

Nokkrir leikmenn 3. – 5. flokks verða heiðraðir fyrir góða frammistöðu og framfarir á tímabilinu sem var að ljúka.
Allir iðkendur í 6. 7. og 8. flokki fá viðurkenningu.
Eiríksbikarinn verður afhentur fyrir fyrirmyndar frammistöðu innan vallar sem utan og Framdómari ársins verðlaunaður

Að verðlaunaafhendingum loknum verður iðkendum, þjálfurum og foreldrum boðið upp á veitingar; grillaðar pylsur og drykk.

Allir knattspyrnumenn Fram eru boðnir velkomnir á hátíðina, sem og fjölskyldur þeirra.

Foreldrar eru sérstaklega hvattir til að koma með börnum sínum.

Strax að lokinni seinni uppskeruhátíðinni fjölmenna svo allir í stúkuna í Safamýrinni og hvetja meistaraflokk Fram til sigurs í síðasta heimaleik tímabilsins í Inkasso-deildinni.  Leikurinn hefst kl. 14:00 og mótherjarnir verða Þórsarar frá Akureyri.

Hlökkum til að sjá ykkur.

Barna- og unglingaráð knattspyrnudeildar Fram.

Share this post

Share on facebook
Share on twitter
Share on linkedin
Share on pinterest
Share on email