Eva Stefánsdóttir hefur gengið til liðs við meistaraflokk kvenna að láni frá Val og mun því spila með liðinu út tímabilið í Lengjudeildinni.
Eva er teknískur kantmaður sem getur leyst allar stöðurnar í sóknarlínunni. Hún hefur verið iðinn við kolann við markaskorun í gegnum tíðina og er frábær karakter sem smellpassar í hópinn.
Óskar Smári, þjálfari meistaraflokks kvenna, er sáttur:
“það er mikil ánægja innan þjálfarateymisins að fá Evu að láni frá Val. Eva er mjög efnilegur soknarmaður sem á eftir að hjálpa liðinu mikið í komandi baráttu fyrir sumarið. Hún er strax byrjuð að láta til sín taka á æfingasvæðinu og fellur strax virkilega vel inn í okkar hóp.”
Við þökkum Val kærlega fyrir fagleg og góð vinnubrögð varðandi lánið.
Velkomin Eva!