Freyja Dís er aðeins 17 ára gömul en á samt tvö tímabil að baki með meistaraflokki Fjölnis í 2.deild. Hún getur spilað bæði bakvörð og kant báðum megin á vellinum, býr yfir miklum hraða og er virkilega efnileg. Freyja hefur æft með liðinu undanfarið og hrifið þjálfarateymið mikið með sinni frammistöðu. Hún hefur auk þess frábært hugarfar og smellpassar inn í plön liðsins fyrir næstu ár.
Óskar Smári, þjálfari meistaraflokks kvenna, fagnar þessu:
“Ég er hæstánægður að tryggja Freyju til næstu ára í dal draumanna. Freyja hefur æft með okkur undanfarnar vikur og spilað æfingaleiki og heillað þjálfarateymið. Við bindum miklar vonir við hana í framtíðinni og hlökkum til að vinna með henni amk næstu 2 árin.”
Velkomin Freyja!