Forsíðumynd vefur

Titlarnir 3 „Meistaraárið 2013“ er kominn út á DVD

ForsíðumyndÁrið 2013 var Frömurum ógleymanlegt. Íslandsmeistarabikarinn fór á loft hjá bæði kvenna- og karlaliðinu í handbolta og í knattspyrnunni vannst bikarmeistaratitill eftir magnaðan úrslitaleik á Laugardalsvelli.

Kvennalið Fram í handknattleik hefur lengi verið ein helsta skrautfjöður félagsins, en þó þurfti að fara aftur til ársins 1990 eftir síðasta Íslandsmeistaratitli kvenna. Það var því langþráð stund þegar Framstelpurnar sigruðu Stjörnuna í oddaleik í úrslitaeinvíginu.

Sigur karlaliðsins kom mörgum á óvart. Fram tefldi fram talsvert breyttum hópi frá árinu áður, sem óx við hverja raun og sigraði að lokum Hauka í fjórða leik einvígisins á heimavelli sínum í Safamýri.

Í bikarkeppninni í fótbolta mættu Framarar fjórum úrvalsdeildarliðum og tókst að kveða niður gamla drauga í úrslitaleiknum með því að sigra Garðbæinga í vítaspyrnukeppni.

Sigurárinu mikla er gert góð skil á þessum mynddiski sem er sneisafullur af efni sem minnir stuðningsmenn Fram og annað íþróttaáhugafólk á þessa glæstu titla.

Stefán Pálsson

http://www.youtube.com/watch?v=kRRi22fs4-8

Diskurinn er kominn í sölu og hægt að kaupa gripinn í íþróttahúsi FRAM Safamýri 26 og FRAMhúsinu í Úlfarsárdal Úlfarsbraut 126. Diskurinn kostar kr. 2500.- en þeir sem pöntuðu í forsölu fá  diskinn á umsömdu verði kr. 2013.-

Höfundar þessa glæsilega disks eru þeir Stefán Drengsson og Stefán Pálsson.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email