Stelpurnar okkar í mfl.kvenna léku í kvöld sinn síðasta heimaleik í sumar þegar þær tóku á móti Álftanesi í Safamýrinni. Leikurinn í kvöld var hörkuleikur og gat í raun farið á hvorn veginn sem var en við náðum að sína klærnar og vorum betri þegar á reyndi. Lokatölur í kvöld 2 – 1. Silja Runólfsd. kom okkur yfir í fyrri hálfleiknum en Álftnesingar náðu að jafna og staðan í hálfleik 1-1. Þar var svo ekki fyrr en á 83 mín að Dagmar Mýrdal gerði fallegt mark eftir góðan samleik, flott mark og vel að því staðið, fleiri urðu mörkin ekki og 4 sætið í deildinn tryggt. Síðasti leikur sumarsins er svo á föstudag en þá förum við í Breiðholtið og mætum liðið ÍR, með sigri eigum möguleika á 3 sætinu en þá þurfa Hattar stúlkur að tapa á Húsavík sem verður að teljast frekar ólíkleg niðurstaða. Sjáumst á föstudag kl.18:00.
ÁFRAM FRAM