fbpx
NM87984-FB-event-myndir-1_preview

FRAMherjakortin afhent í Safamýri fyrir fyrsta leik

Kæru Framarar.

Við viljum minna á fyrsta heimaleik ársins í fótboltanum laugardaginn 5. maí kl. 14:00 – leikið verður á gervigrasvelli okkar Framara í Safamýrinni og að þessu sinni bjóðum við Selfyssinga velkomna.

Á þessum tímamótum viljum við minna alla stuðningsmenn á FRAMherjaklúbbinn, fjöldi manns greiðir mánaðarlega fjárhæð sem rennur til rekstrar afreksstarfs félagsins. Þessi stuðningur skiptir sköpum í rekstrinum og gerir allt starfið stöðugra.

Með því að gerast aðilar í FRAMherjum styðja klúbbfélagar við félagið sitt með mánaðarlegum greiðslum og fá í staðinn árskort á alla heimaleiki knattspyrnuliðs Fram í Inkasso-deild karla ásamt því að FRAMherjum er boðið upp á kaffi í hálfleik og skemmtilegt spjall við vini og félaga.

Félagsaðild 2018

BRONSKORT kr. 2.000.- pr. mánuð
Heimaleikjakort fyrir 1 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 22.000.-

SILFURKORT kr. 3.000.- pr. mánuð
Heimaleikjakort fyrir 2 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 33.000.-

GULLKORT kr. 4.000.- pr. mánuð
Heimaleikjakort fyrir 3 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 44.000.-

Hvert tímabil er frá maí til apríl ári síðar og endurnýjast aðildin í eitt ár í senn nema henni sé sagt upp fyrir lok hvers tímabils.

Hægt er að skrá sig með því að smella hér: https://fram.felog.is/
Einnig er hægt að senda tölvupóst á dadi@fram.is

Framherjakortin verða afhent fyrir fyrsta heimaleik FRAM gegn Selfossi á laugardag og alla virka daga í íþróttahúsi FRAM í Safamýri á skrifstofutíma.

Þeir sem óska eftir að fá Framherjakortin sín send í pósti geta sent tölvupóst á dadi@fram.is

Stuðningur ykkar er okkur mikilvægur.

Knattspyrnudeild FRAM

Share this post

Share on facebook
Share on twitter
Share on linkedin
Share on pinterest
Share on email
Karfa0
There are no products in the cart!
Halda áfram að versla
0