Hlynur 2

Hlynur Atli framlengir við FRAM

Hlynur Atli Magnússon hefur framlengt samning sinn við FRAM til tveggja ára og gildir nýr samningur út keppnistímabilið 2020.

Þetta eru frábærar fréttir fyrir okkur Framara enda Hlynur lykilleikmaður í liðinu. Hlynur hefur að mestu leikið í hjarta varnarinnar á sínum ferli en hefur einnig leyst stöðu miðjumanns með prýði.

Hlynur sem fæddur er árið 1990 er uppalinn Framari og hefur leikið stærstan part síns ferils með FRAM. Hann steig sín fyrstu skref með meistaraflokki félagsins árið 2008. Fyrir keppnistímabilið 2013 söðlaði Hlynur um og gekk til liðs við Þór á Akureyri og lék með félaginu í tvö ár áður en hann gekk til liðs við norska félagið Florö. Haustið 2015 kom Hlynur aftur heim í FRAM og hefur leikið með félaginu síðan.

Alls hefur Hlynur leikið 170 leiki með meistaraflokki FRAM og ljóst að hann er mikilvægur hlekkur í þeirri uppbyggingu sem á sér stað innan félagsins.

Share this post

Share on facebook
Share on twitter
Share on linkedin
Share on pinterest
Share on email