Dagana 12.-21. ágúst stendur knattspyrnudeild Fram fyrir Copa America knattspyrnuskóla Fram.
Námskeiðið er ætlað stelpum og strákum í 5. 6. og 7. flokki (börn fædd 2007-2012). Einnig börnum á elsta ári í 8.flokki þ.e. börnum fæddum 2013.
Copa America knattspyrnuskólinn verður bæði í Safamýri og Úlfarsárdal kl. 13:00-16:00 virka daga.
Þjálfarar á námskeiðinu verða hinir erlendu leikmenn Framliðisins; Fred, Marcao og Tiago ásamt þjálfurum yngri flokka Fram. Leikmennirnir munu miðla af sinni reynslu til yngri iðkenda og kenna þeim sitthvað af þeim snilldartöktum sem þeir hafa sýnt í leikjum Framliðsins í sumar.
Fleiri leikmenn meistaraflokks Fram munu kíkja í heimsókn og aldrei að vita nema að fleiri góðir gestir láti sjá sig.
Iðkendum verður skipt í hópa eftir aldri, reynslu og getu þannig að allir fái verkefni við hæfi. Við hvetjum stelpur jafnt sem stráka til að skrá sig á námskeiðið.
Þátttakendur mæta með sitt eigið nesti og er brýnt fyrir foreldrum að senda börnin með hollt nesti.
Námskeiðsgjald er kr. 14.000-.
Skráning á fram.felog.is