Eftir leik

Heimaleikjakortin tilbúin, vantar þig kort ?

Kæru Framarar.

Við viljum minna á fyrsta heimaleik okkar í Lengjudeildinni þetta tímabilið – leikið verður á heimavelli okkar Framara í Safamýrinni laugardaginn 20. júní og að þessu sinni bjóðum við Leiknismenn frá Fáskrúðsfirði velkomna. Leikurinn hefst kl. 13:00 en við hvetjum Framarara til að mæta tímanlega og gæða sér á hinum gómsætu Framborgurum sem verða í boði fyrir leik.

Á þessum tímamótum viljum við minna alla stuðningsmenn á stuðningsmannaklúbbinn okkar; Framherja. Fjöldi manns greiðir mánaðarlega fjárhæð sem rennur til rekstrar afreksstarfs félagsins. Þessi stuðningur skiptir sköpum í rekstrinum og gerir allt starfið stöðugra.

Með því að gerast aðilar í Framherjum styðja klúbbfélagar við félagið sitt með mánaðarlegum greiðslum og fá í staðinn árskort á alla heimaleiki knattspyrnuliðs Fram í Lengjudeild karla ásamt því að Framherjum er boðið upp á kaffi í hálfleik og skemmtilegt spjall við vini og félaga.

Félagsaðild 2020

BRONSKORT kr. 2.000.- pr. mánuð
Heimaleikjakort fyrir 1 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 22.000.-

SILFURKORT kr. 3.000.- pr. mánuð
Heimaleikjakort fyrir 2 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 33.000.-

GULLKORT kr. 4.000.- pr. mánuð
Heimaleikjakort fyrir 3 og kaffi í hálfleik.
Gildir á alla heimaleiki í Íslandsmóti. Hægt að kaupa í eingreiðslu kr. 44.000.-

DEMANTAKORT kr. 9.000.- pr. mánuð
Heimaleikjakort fyrir 2.  Veglegar veitingar og fundur með þjálfara fyrir leik.   Kaffi í hálfleik.
Gildir á alla heimaleiki í Íslandsmóti.  Hægt að kaupa í eingreiðslu kr. 100.000.-

Hvert tímabil er frá maí til apríl ári síðar og endurnýjast aðildin í eitt ár í senn nema henni sé sagt upp fyrir lok hvers tímabils.

Hægt er að skrá sig með því að smella hér: https://fram.felog.is/
Einnig er hægt að senda tölvupóst á dadi@fram.is

Framherjakortin verða afhent í anddyri íþróttahúss Fram fyrir fyrsta heimaleik Fram gegn Leikni F. og svo alla virka daga í íþróttahúsi Fram í Safamýri á skrifstofutíma.

Stuðningur ykkar er okkur mikilvægur.

Knattspyrnudeild Fram

Share this post

Share on facebook
Share on twitter
Share on linkedin
Share on pinterest
Share on email