Barna- og unglingaráð knattspyrnudeildar Fram og Hagkaup hafa gert með sér samning til tveggja ára.
Með samningnum gengur Hagkaup til liðs við helstu styrktaraðila barna- og unglingastarfsins hjá knattspyrnudeild Fram og mun merki Hagkaups prýða keppnistreyjur yngri flokka félagsins í knattspyrnu næstu árin.
Barna- og unglingaráð knattspyrnudeildar Fram er afar ánægt með samninginn enda skiptir stuðningur fyrirtækja í samfélaginu barna- og unglingastarfið miklu máli.
Samninginn undirrituðu Brynjar Helgi Ingólfsson rekstrarstjóri innkaupa- og markaðssviðs Hagkaups og Daði Guðmundsson rekstrarstjóri knattspyrnudeildar Fram sem hér eru ásamt ungum iðkendum úr Fram.
Barna- og unglingaráð knattspyrnudeildar Fram hvetur að sjálfsögðu alla Framara til að beina viðskiptum sínum til Hagkaups.