Unglingaráð Knattspyrnudeildar Fram heldur uppskeruhátíð yngri flokka laugardaginn 18. september í Safamýri.
Uppskeruhátíðin verður tvískipt;
kl. 12:00 mæta iðkendur í 6., 7. og 8. flokki.
kl. 12:30 mæta iðkendur í 3., 4. og 5. flokki.
Allir iðkendur í 6. 7. og 8. flokki fá viðurkenningu. Eiríksbikarinn verður afhentur fyrir fyrirmyndar frammistöðu innan vallar sem utan ásamt því að nokkrir leikmenn 3. – 5. flokks verða verðlaunaðir fyrir góða frammistöðu og framfarir.
Að uppskeruhátíð lokinni verður boðið uppá pylsur og ís og á grasvellinum getur fjölskyldan skemmt sér í ýmsum knattþrautum. Við hvetjum foreldra til að mæta með börnum sínum.
Kl. 14:00 hefst svo síðasti leikur meistaraflokks karla Fram í Lengjudeildinni gegn Aftureldingu þar sem Framarar fagna Lengjudeildarmeistaratitli. Við hvetjum því alla iðkendur og fjölskyldur þeirra til að mæta í bláu, fylla stúkuna og fagna frábærum árangri alla Framara þetta árið.
Við hlökkum til að sjá ykkur,
Barna- og unglingaráð knattspyrnudeildar Fram.
