Reykjavíkur úrval 2018 vefur

Tinna Björk og Sigfús Árni valinn í Úrvalslið Reykjavíkur

Grunnskólamót höfuðborga Norðurlandanna 2018 fer fram í Kaupmannahöfn 27.maí til 1.júní. Mótið hefur verið haldið árlega frá árinu 1948 fyrir utan eitt ár og verður því haldið uppá 70 ára afmæli þess í ár. Keppt er í handknattleik stúlkna, knattspyrnu drengja og frjálsíþróttum beggja kynja.

Á dögunum var valið í úrvalslið Reykjavíkur sem keppir fyrir hönd borgarinnar á mótinu. Í liðinu eru 41 keppandi, fjórir þjálfarar og tveir fararstjórar. Keppendur í úrvalsliði Reykjavíkur eru 15 leikmenn í knattspyrnu drengja , 10 leikmenn í handknattleik stúlkna, 8 drengir og 8 stúlkur í frjálsíþróttum. Smellið hér til að skoða lista yfir lið Reykjavíkur og hér til að skoða dagskrá reykvíska hópsins.

Hópurinn flýgur til Kaupmannahafnar snemma á sunnudagsmorguninn 27.maí og kemur heim aftur seinni part dags föstudaginn 1.júní.

Á meðan mótinu stendur er hægt að fylgjast með og fá upplýsingar á heimasíðu Íþróttabandalags Reykjavíkur, www.ibr.is. Skoða þar úrslit leikja, skoða myndir og lesa stutta umfjöllun alla daga. Einnig er hægt að fylgjast með á Facebooksíðu Íþróttabandalags Reykjavíkur.

Við FRAMarar eru stoltir af því að eiga 2 keppendur í úrvalsliði Reykjavíkur þetta árið. Tinna Björk Bergsdóttir mun keppa í handbolta en Sigfús Árni Guðmundsson  í knattspyrnu. Mótið hefst mánudaginn 28 maí og óskum við þeim og þeirra liðsfélögum í Reykjavík alls hins besta.
Það gríðarlega skemmtileg upplifun að taka þátt í þessu móti og verður spennandi fyrir okkar krakka að taka þátt í þessu móti í Danmörku. Þau sem voru valinn frá FRAM að þessu sinni eru:

Tinna Björk Bergsdóttir                   Fram               Handknattleikur
Sigfús Árni Guðmundsson             Fram               Knattspyrna

Gangi ykkur vel

ÁFRAM FRAM

 

Share this post

Share on facebook
Share on twitter
Share on linkedin
Share on pinterest
Share on email